‘’Rilindja (k)urbane, miliona euro për sheshet, zero lekë për trashëgiminë kulturore”, shembet Manastiri 400 vjeçar.
Kemi parë sheshe dhe fasada me shumicë gjatë qeverisje katër vjeçare nën drejtimin e Edi Ramës. Të vlefshme këto në një kohë që ndihmojnë turizmin, por ama shumë trashëgimi të tjera kanë mbetur në hije.
Duke komentuar lajmin e shembjes së një manastiri në Leshnicë, Manjani thotë se kjo është “Rilindja Kurbane”.
Ai vijon më tej duke thënë se janë dhënë miliona euro për të rilindur komunizmin dhe lihen pas dore monumente të tilla tëtrashëgimisë kulturore.
SHKRIMI I PLOTË I MANJANIT:
Rilindja (k)urbane
Mijëra apo milionë Euro shpenzoi Rilindja Urbane për të kthyer sheshet e mëdha që i bëjnë njerëzit miza!
Mijëra euro për pak metra katrorë fasada e bojra.
Qindra apo mijëra palma (që u thanë) apo ndriçues rrugës që ngjajnë ai rrahëse vezësh!
Mijëra e miliona euro i paguhen koncensionarëve për punët e pista të këtij shteti të falimentuar në koncept!
Miliona euro për të Rilindur komunizmin!
Zero lekë (se Eurot mbaruan) për të mbajtur në këmbë , jo më shumë, trashegiminë kulturore të këtij vendi!
Ky manastir 400 vjecar u shemb, jo nga terrorizmi por nga qeveria e Rilindjes!
Turp e faqja e zezë!
Mbajini sheshet e reja të neo diktaturës demokratike! Bëjini një m… mu në të!
SHEMBJA E MANASTIRIT:
Është shembur manastiri mbi 400-vjeçar i Shën Athanasit në Leshnicën e Poshtme, objekt i kategorisë së parë, rreth 50 km larg Sarandës.
Kisha është e tipit bazilike me një kupolë dhe mbishkrimi në hyrje të tempullit daton nga viti 1797, por banorët vendas këmbëngulin që kjo datë përkon me rindërtimin e dytë dhe se tempulli është shumë më i vjetër.
Brenda manastirit muret ishin të zbukuruara me ikona të rrallë që përfaqësojnë një mrekulli të paçmuar kulturore, ndërsa në pjesën veriore të tempullit, ishin ndërtuar qeliza në të cilat jetonin murgjit.
Banorët denoncojnë se Institucionet shtetërore ishin vënë në dijeni muaj më parë, se objekti mbi 400-vjeçar rrezikonte shembjen, por sipas tyre, preferuan ta mbajnë të fshehur për shkak të fushatës elektorale. (E.K/SHUPLAKA)
