Kukësi u shpall për herë të parë Kampion i vendit dhe kjo është padyshim dhe për meritë të trajnerit Ernest Gjoka. Pavarësisht se në ditët e para Klubi filloi kontaktet dhe me trajnerë të tjerë, Gjoka duket se ka marrë bekimin Presidentiti Safet Gjici.
Disa nga trajnerët që u kontakrtuan ishin Milinkoviç, gjermani Peter Hyballa dhe një trajner kroat, por në skenë doli dhe emri i Skënder Gegës. Megjithatë, dje vetë presidenti ua preu rrugën këtyre alternativave, duke konfirmuar Ernest Gjokën në krye të stolit.
KUSHTI
Gazeta “Panoramasport” mëson se palët u takuan mëngjesin e djeshëm, në orën 09:00, në një bar pranë Urës së Tabakëve. Mbas një takimi kokë për kokë, që zgjati mbi 30 minuta, presidenti konfirmoi trajnerin për pankinën, ndërsa i vuri kusht kalimin e turit të dytë në Champions Ligë dhe njëherësh të synojë fazën e grupeve në Ligën e Europës. Nëse skuadra nën drejtim e tij arrin këto objektiva, atëherë Gjoka do të mbetet pa dyshim trajner i kampionëve edhe për sezonin e ardhshëm në kampionat.
Trajneri, pasi ka paraqitur planin e tij për të arritur këtë “mision”, i ka thënë presidentit që e ka cilësuar si mungesë respekti që në media janë lakuar një mori alternativash për ta zëvendësuar, edhe pse fitoi titullin. Numri një i klubit është bindur nga premtimet e Gjokës, duke i besuar pankinën e verilindorëve.
MERKATO
Ndërkohë që klubi pretendon të hyjë fuqishëm në merkato. Pasi kanë arritur marrëveshje paraprake me Vinicius Araujo, ata po vazhdojnë negociatat me kroatin Tomislav Kish dhe Danilo Lopez. Pezull kanë mbetur bisedimet me Bruno Telushin, pasi lojtari akoma nuk e ka ndarë mendjen se ku do shkojë, do qëndrojë në Shqipëri apo do ikë jashtë.
Kapiteni i Flamurtarit është preferencë e parë në mesfushë për presidentin. Drejtuesit për ta bindur i kanë bërë ofertë konkrete, tani mbetet vetëm që Telushi të vendosë të ardhmen. (E.K/SHUPLAKA)
Discussion about this post