Ilir Meta nga Konferenca e Vendeve të Ballkanit Perëndimor ka deklaruar se në Shqipëri nuk duhet më të flitet për deputetë me rekorde kriminale. Kryeparlamentari dhe presidenti i zgjedhur Ilir Meta tha se sot politika është zhytur në egoizëm duke vrarë humanizmin ndaj mbështet të rinjtë.
“Sot kemi një elitë politike të zhytur në individualizëm dhe egoizëm duke vrarë vlerat e humanizmit, prandaj promovoj të rinjtë. Të rinjtë ndihmojnë vendin të zhvillohet në kapacitetet e tij”, tha ai.
Sipas tij, gjithçka ka bërë e ka bërë për fuqizimin e të rinjve. “Gjithçka që kam bërë për fuqizimin e të rinjve. E nisa politikën student dhe u zgjodha deputet e kryeministër. Kam qenë kreu i FRESSH-it në një kohë shumë të keqe. Rinia eurosocialiste u shndërrua në një fuqi të jashtëzakonshme besimi shumë shpejt. Ajo që na duhet sot janë të rinjtë. Të rinjtë duan ritëm ndryshimi më të shpejtë. Politika t’i përgjigjet këtij padurimi që këta të rinj të rrinë këtu e të punësohen këtu. Duhet të çojmë më shumë të rinj e të reja në parlament dhe më pak biznesmenë. Ky është angazhimi im. Këtu diskutohet për listat e deputetëve. Kur vendosa Klajda Gjoshën të dytën shumë figura nuk pranonin të rrinin në listë”- tha ai.
Sipas Metës, Klajda u bë ministre, Kejdi u bë deputete dhe theksoi se LSI nuk do të diskutojë për deputetë me rekorde kriminale por për problemet e qytetarëve. (J.V/Shuplaka)
