Në kuadër të aksionit kundër trafikimit të lëndëve narkotike, janë gjetur dhe asgjësuar 198 bimë narkotike në fshatin Karmë, konkretisht 110 kubikë fidanë dhe 88 bimë narkotike në 3 parcela.
Pas gjetjes së drogës, ka nisur procedimi penal ndaj kryeplakut, administratorit dhe inspektorit të Shërbimit Pyjor në Bashkinë Pukë.
Po vijon puna për kapjen e kultivuesit L. Gj. 46 vjeç, banues në Shkodër.
Detaje të Policisë së Pukës:
Goditet një tjetër rast i kultivimit të bimëve narkotike. Asgjësohen 198 bimë e fidanë Cannabis Sativa. Shpallet në kërkim një shtetas. Procedohen penalisht në gjendje të lirë:
Kryeplaku i fshatit Karmë, Administratori i Njësisë Administrative Luf Qerret, Inspektori i Shërbimit Pyjor.
Nga shërbimet e Komisariatit Pukë, në fshatin Karmë e Epërm, Njësia Administrative Luf Qerret, Bashkia Pukë, në një zonë të pyllëzuar të hapur, gjatë kontrollit të territorit, u gjetën të kultivuara dhe asgjësuan në 3 parcela 88 bimë narkotike Canabis Sattiva dhe 110 kubik fidanë bimë narkotike Canabis Sattiva.
Për këtë rast u bë shpallja në kërkim dhe po punohet për kapjen e shtetasit:
- Gj, 46 vjeç, banues në Shkodër.
Gjithashtu u proceduan në gjëndje të lirë për veprën penale “Shpërdorimi i detyrës”, parashikuar nga neni 248 i Kodit Penal, shtetasit:
- M, 52 vjeç, banues në fshatin Karmë, me detyrë kryeplak i fshatit Karmë,
- F, 58 vjeç, banues në fshatin Kçirë, Njësia Administrative Luf Qerret, me detyrë Administrator i Njësisë Administrative Luf Qerret,
- D, 52 vjeç, banues në fshatin Gomsiqe, Pukë, me detyrë Inspektor i Shërbimit Pyjor, Bashkia Pukë.
Materialet i kaluan Prokurorisë së Rrethit Gjyqësor Pukë për veprën penale “Kultivimi i bimëve narkotike” e parashikuar nga neni 284, i Kodit Penal.
(XH.A/SHUPLAKA)
[ngg_images source=”galleries” container_ids=”2079″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
