Armando Sadiku, sulmuesi i kombëtares shqiptare, në një konferencë për mediat para ndeshjes me Izraelin ka folur me detaje për situatën që po kalon ekipi kuqezi. Sipas situata nuk është më e mira, por me një fitore të dielën gjithçka mund të ndryshojë.
Ai u shpreh se do të ishte i lumtur nëse De Biazi zgjedh të luajë me dy sulmuesë pasi partneriteti me Cikalleshin ka krijuar gjithmonë rezultat. Ndërsa për t’u veçuar ishte ajo që tha për De Biazin i cili sipas Sadikut pas ndeshjes së humbur kundër Luksemburgut e la vetëm ekipin në dhomat e zhveshjes.
Pjesë nga fjala e Sadikut:
Ne u mblodhëm pas Luksemburgut të gjithë dhe folëm me njëri-tjetrin, i shprehem mendimet që kishim sepse s’mund ta pranojmë të na mundë një skuadër e vogël si Luksemburgu. Ne jemi ekip që kemi luajtur në Europian. E dimë që kemi kualitet, folëm dhe kjo ndoshta ishte thelbi i bisedës që ka pak eufori në grup.
Duhet të jemi më shumë agresivë për t’u kthyer te rezultatet pozitive. Kjo ndeshje me Izraelin është shumë e bukur për të bërë kthesën, për ta marrë sërish gjendjen në dorë. Na kanë mundur Spanja, Italia dhe Izraeli, ndërsa në miqësore kemi provuar lojtarë të rinj. Vetëm ndeshjen me Izraelin nuk duhet ta kishim humbur.
Pas Luksemburgut trajneri na la vetëm, folëm me çunat dhe te gjithë ishim në një mendim që nuk është faji i trajnerit por problemi qëndron te ne. Të shkojmë në Izrael dhe të luajmë siç kemi luajtur më parë dhe çdo gjë kthehet si më parë, të gjithë do flasin që kombëtarja jonë u kthye. Duhet të luajmë si grup, si në ndeshjet e Europianit, si në kualifikueset e kaluara apo si me Maqedoninë.
Nëse në Izrael japim 100%, atëherë s’ka shans që të dalim pa pikë. Trajneri tha të vërteten që na takon neve të gjejmë forcat brenda vetes sepse trajneri ka qënë gjithnjë i njëjti, nuk ka lëshuar në ndonjë moment. Këtu para disa ditësh nuk bëmë mirë në stërvitje dhe na ka folur, të gjithë ulëm kokën dhe nuk thamë asgjë sepse kishte të drejtë për çdo gjë.”
(M.D/Shuplaka)
Discussion about this post