Pas vendimit të Departamentit të Administratës Publike për të rikthyer në punë sekretaren Juliana Hoxha, e cila u pezullua nga puna një ditë më parë, ka reaguar Ministria e Drejtësisë.
“Ministria e Drejtësisë nuk ka marrë zyrtarisht dhe nuk pret asnjë vendimmarrje nga Departamenti i Administratës Publike, i cili nuk ka asnjë autoritet për të kontrolluar dhe verifikuar urdhrat e Ministrit të Drejtësisë.”, thuhet në njoftimin e ministrisë së drejtuar nga Gazmend Bardhi.
Departamenti i Administratës Publike e ka konsideruar urdhrin e pezullimit të Sekretares së Përgjithshme si tejkalim të kompetencave ligjore të kreut të drejtësisë.
Ministri Bardhi deklaronte se Sekretarja e Përgjithshme ka ushtuar detyrën në kundërshtim me ligjin e nëpunësit civil.
Sipas tij, ajo ushtron funksionon në kundërshtim flagrant me ligjin, që nga data 29 Prill 2017, për shkak se është kandidate për deputete në Qarkun e Tiranës, me subjektin zgjedhor Partia Socialiste e Shqipërisë. Për këtë arsye, ministri Bardhi informoi zyrtarisht Kryeministrin.
Mirëpo sipas DAP, sekretarja është konform ligjit dhe e refuzoi kërkesën e Ministrit.
REAGIMI
Ministria e Drejtësisë nuk ka marrë zyrtarisht dhe nuk pret asnjë vendimmarrje nga Departamenti i Administratës Publike, i cili nuk ka asnjë autoritet për të kontrolluar dhe verifikuar urdhrat e Ministrit të Drejtësisë. Ministri i Drejtësisë ka pritur në përputhje me ligjin, përgjigje nga Departamenti i Administratës Publike, deri në momentin e hyrjes në fuqi tëvendimit nr. 437/2017 të Këshillit të Ministrave, i cili ngarkon titullarin eministrisë për të marrë masat e pezullimit ndaj nëpunësve civilë që janëkandidatë në zgjedhje.
Departamenti i Administratës Publike është në lirinë e tij të plotë tëmbështesë paligjshmërinë në administratën publike, duke lejuar proceduratfiktive dhe të falsifikuara të kryera nga nëpunës civil. Për këtë përgjegjësiaështë individuale dhe vetëm e këtij institucioni. Por kjo sjellje nëkundërshtim flagrant me ligjin, nuk pengon Ministrin e Drejtësisë të marrëmasat e nevojshme në përputhje me Kushtetutën, ligjin për nëpunësin civildhe Kodin Zgjedhor.
Në përputhje të plotë me kuadrin ligjor në fuqi, me urdhrin nr. 3817, datë08.06.2017, Ministri i Drejtësisë ka urdhëruar pezullimin nga detyra tëSekretarit të Përgjithshëm të Ministrisë së Drejtësisë. Ky urdhër është në fuqi dhe çdo palë e ineteresuar mund ta ankimojë në rrugë gjyqësore.Ministria e Drejtësisë rikonfirmon që Sekretari i Përgjithshëm i Ministrisë sëDrejtësisë vijon të jetë ligjërisht i pezulluar nga detyra dhe nuk është kthyerdhe nuk mund të kthehet në detyrë, derisa të ketë rënë shkaku ligjor ipezullimit.
Gjithashtu, bëjmë me dije se për shkak të shkeljeve flagrante të ligjit, Ministri i Drejtësisë ka nisur procedurat e lirimit nga detyra të Sekretarit tëPërgjithshëm të Ministrisë së Drejtësisë, si dhe po përgatit kallzim penal ndaj Drejtoreshës së Departamentit të Administratës Publike dhe znj.Juliana Hoxha.
Discussion about this post