Armando Prenga lë PS-në për LSI-në, në fushatë me Kryemadhin (VIDEO)

Pasi dha dorëheqjen nga mandiati i deputetit, Armando Prenga duket se është larguar nga PS-ja dhe tani mbështet Lëvizjen Socialiste për Integrim.

Ai është parë gjatë një takimi elektoral të LSI-së në Lezhë, ndërsa i ulur në stol dëgjonte fjalimin e deputetes Monika Kryemadhi. Videoja në fjalë është publikuar nga vetë bashkëshortja e ish-kreut të LSI-së Ilir Meta, deputetja Kryemadhi.

Armando Prenga dorëzoi mandatin e deputetit më 27 shkurt të këtij viti, pasi nuk kishte respektuar kërkesat për plotësimin e të dhënave, në kuadër të ligjit të Dekriminalizimit, duke u kritikuar mjaft nga publiku dhe mediat.

Ai nuk kishte deklaruar një dënim të formës së prerë nga Gjykata e Kurbinit, si edhe precedentët penalë në Itali. Ai për disa vite, është kritikuar si një politikan që preket nga ligji i dekriminalizimit.(D.D/Shuplaka)