Jo vetëm që komenton dhe konfirmon takimin me Fatos Nanon, por Rama shkon edhe më tej.
Ai e quan ish-liderin socialist si një timonier të sprovuar. Nga një takim me biznesmenë në Golem dhe Kavajë, Rama si ka lënë mangët komentet.
“Shpresoj që të kemi mundësi që të vijmë në korrik për të bërë një takim më konkret pune pas zgjedhjeve dhe shpresoj shumë që t’ia dalim në zgjedhje dhe në fakt Fatosi e tha bukur mbrëmë nuk është punë timoni, po destinacioni.
Ai është edhe shoferi i sprovuar dhe i ka të gjithë ingredientët e nevojshëm të eksperiencës dhe të teknikës së dhënies së makinës për të kuptuar se nuk është qëllim në vetvete” deklaroi Rama.
Takimi mes Ramës dhe Nanos u zhvillua dje në vilën qeveritare në Durrës. Mësohet se në takimin që zgjati rreth dy orë ka qenë i pranishëm dhe Sekretari i Përgjithshëm i kryeministrisë Engjëll Agaçi.
Në komentin e tij pas takimit Nano u shpreh: S’keni parë asgjë akoma. Për më shumë na mbetet të presim.
(E.K/SHUPLAKA)
Komenti i Ramës për takimin në minutën e fundit të VIDEOS:
