Grushte e shqelma mes vajzave në Tiranë, ndërhyn policia

Dy vajza janë konfliktuar keq në Tiranë, tek unaza e re, në rrugën “Teodor Keko”.

Policia ka ndërhyrë dhe ka ndaluar shtetaset me inicialet XH.T dhe A.S, 21 e 22 vjec, banuese në Tiranë.

Pas një konflikti për motive të dobëta dy vajzat janë kapur për flokësh dhe kanë goditur njëra-tjetrën me grushte e shqelma.

Policia ka referuar materialet në Prokurorinë e Rrethit Gjyqësor Tiranë, ne baze te Nenit 90 te Kodit Penal, “Dëmtime të tjera me dashje”. Ky nen parashikon: “Rrahja, si dhe çdo vepër tjetër dhune, përbën kundërvajtje penale dhe dënohen me gjobë. Por kjo vepër, kur ka shkaktuar paaftësi të përkohshme në punë deri në 9 ditë, përbën kundërvajtje penale dhe dënohet me gjobë ose me burgim gjer në gjashtë muaj”

Konfliktet të tilla janë shtuar shumë së fundi, vajzat ashtu si djemtë përleshen me grushte e shqelma.

(B.H/Shuplaka)