Ditët e fundit kryeministri Rama është shfaqur me oreks të mirë nëpër takime. Sigurisht që batutat s’i ka lënë mangët ndonjëherë.
Edhe sot në Malësinë e Madhe në takimin me fermerë të bimëve medicinale Rama duket se e ka shijuar mjaft ushqimin.
Me të mbërritur Rama është shprehur: Këto që janë në tavolinë janë për dekorim, apo për të ngrënë? E pas kësaj të gjithë kanë filluar të ushqehen.
Kur njëri nga të pranishmit ka thënë “ti heqim qafe kundërshtarët” Rama iu përgjigj “mos u shpreh ashtu se jemi në televizor”.
Rama: Paulin këto që janë në tavolinë janë për dekorim apo për të ngrënë
Qytetari: Ne malësorët jemi mikpritës dhe e lëmë mikun kur të dojë vetë të iki. Edhe ti kur të duash të ikësh vetë të themi udhë e mbarë.
Rama: Ishalla po iki vetë.
Qytetari: Edhe për 4 vite s’të thotë kush të ikësh. Ti heqim qafe ata (kundërshtarët e PS).
Rama: Jo se jemi në televizor. Nuk do heqim qafe njeri. (E.K/SHUPLAKA)
Discussion about this post