Ditën e premte Edi Rama nga studio e “Zonës së Lirë” disa prej gazetarëve dhe analistëve në vend i quajti “kazan mediatik”. Por këtë deklaratë e kanë komentuar mbrëmjen e djeshme Artur Zheji dhe Armand Shkullaku.
Armand Shkullaku u shpreh se deklaratën e Edi Ramës nuk e merr seriozisht. Ai theksoi se tendenca për të gjetur fajin gjithmonë tek të tjerët është bërë baltë nga Rama.
“Unë se marrë me dramë ore se po t’a marrësh me dramë Edi Ramën është probelmi jonë nuk është problem i atij. Unë po them që tendenca për ta gjetur gjithmonë fajin ke të tjetët është bërë baltë tani”, u shpreh Shkullaku.
Ndërsa Zheji theksoi nga studio e emisionit “Opinion” se nëse analistët arrijnë ta shmangin atë në bisedë, vjen një ditë ku Rama të merr në telefon dhe të thotë flisni për mua se u harrova.
“E di si më tha një djalë i mençur? Më tha: “Zheji mbas kësaj shfaqjes e kemi fajin vetë, rrini me orë të tëra komentoni atë. A ka mundësi mos ia përmendni fare emrin morr burrë. Thoni se nuk ekziston”. Problemi është që ky njeri nëse e shmang si bisedë të merr në telefon dhe thotë ore flisni ndonjë gjë për mua se u harrova”, u shpreh Zheji. (J.V/Shuplaka)
Discussion about this post