Një prej themeluesve të Partisë Socialiste dhe ish-kryetar i Kuvendit të Shqipërisë, Servet Pëllumbi, ka komentuar së fundmi mesazhin që Fatos Nano i dërgoi kryetarit të PS-së, Edi Rama, ditën e djeshme me rastin e 26-vjetorit të themelimit të kësaj partie.
Në një prononcim për mediat, ai u shpreh se mesazhi i Nanos u dha në momentin e duhur. Duke u ndalur tek faktorët që e bëjnë të pashmangshme përçarjen, ai tha se ndonjëherë përçarja ndikon pozitivisht.
“Kur historia vihet para realitetit, ka impuls të ri. Mesazhi i Fatos Nanos, ishte në momentin e duhur dhe në interes të anëtarit të PS dhe elektoratit. Ka faktorë që e bëjnë të pashmangshme përplasjen dhe përçarjen, por ndonjëherë përçarja ndikon pozitivisht. Si në këtë rast të tanishëm.”, u shpreh Servet Pëllumbi.
Në mesazhin e tij dje, ish-kryetari i PS-së shkruante ndër të tjera se fitorja e PS-së në 25 qershor do të sjellë Rilindje pa pseudoaleanca.
(XH.A/SHUPLAKA)
Discussion about this post