Pjesë e grupit kriminal që trafikonte drogë, arrestohet pas një viti në Vlorë i shpalluri në kërkim

Një i ri i identifikuar si Marjus Bajrami 27 vjeç, banues në Vlorë, është vënë në prangat e policisë. I shpallur në kërkim nën akuzat e “grupit të strukturuar kriminal” dhe “Kultivim i bimëve narkotike”, ai ishte shpallur në kërkim si bashkëpunëtor i grupit.

Ngjarja ndodhi në Maj të 2016-ës ku gjatë një operacioni në bashkëpunim me Krimet e Rënda u krye asgjësimi dhe sekuestrimi i bimëve narkotike në fshatrat Treblovë dhe Vezhdanisht.

Detaje të policisë:

Arrestohet i kërkuari nga Policia: Marjus Barjami, 27 vjeç, banues në Vlorë. Drejtoria Vendore e Policisë Vlorë ka bërë arrestimin e tij në kuadër të procedimit penal nr.134 të vitit 2016 nga Prokuroria pranë Gjykatës së Shkallës së Parë të Krimeve të Rënda Tiranë, pasi me vendim të kësaj Gjykate i është caktuar masa e sigurisë “Arrest në burg” për veprat penale:

“Grup i strukturuar kriminal” dhe “Kultivimi i bimëve narkotike” parashikuar nga nenet 284 dhe 333/a të Kodit Penal.

Ngjarja ka ndodhur në Maj të 2016, ku mbi bazën e një Operacioni në bashkëpunim me Krimet e Rënda Tiranë, u bë e mundur asgjësimi dhe sekuestrimi bimëve dhe lëndëve narkotike në fshatrat Treblovë dhe Vezhdanisht. U sekuestruan edhe armë zjarri e fishekë si dhe u arrestuan 6 persona, ndërsa shtetasi Marjus Barjami u shpall në kërkim si një nga bashkëpunëtorët e këtij grupi.

(XH.A/SHUPLAKA)