”Preferoni bakllavanë apo sheqerparen?”, Meta jep përgjigjen që s’pritej: PD-ja do të dalë e katërta në disa qarqe

Ilir Meta në një konferencë për shtyp  ka shpërthyer në akuza. Ai është shprehur se PD-ja është parti e katërt në Dibër dhe e treta në shumë qarqe të tjera.

I pyetur nga gazetarët se kë prej të dyve Bashës dhe Ramës preferon Meta është shprehur se asnjërin prej tyre pasi marrëveshja e bërë në 18 Maj është në dëm të qytetarëve. 

Kemi parë këto ditë akuza të ashpra ndaj LSI-së, madje një gjuhë të përbashkët të dy liderve të PS-së dhe PD-së, ju preferoni bakllavanë apo sheqerparen?

Ka një aleancë të hapur. Kjo nuk është më e fshehtë. Është një aleancë errësire. Kjo është një aleancë që synohet t’u imponohet shqiptarëve përmes frikësimeve qesharake, manipulimit, keqpërdorimit të policisë, që ende drejtohet një nga të përdorurit e trafikantëve.

I kam çuar Ramës një SMS për “Haki drogën”, i cili nuk duhet të përdorë më policinë përmes inskenimeve mafioze tipike të tij dhe gjithë segmenteve që e drejtojnë atë. Të jeni të bindur se ky është një plan i lexuar tashmë nga gjithë qytetarët shqiptarë dhe përgjigjja do të jetë e paparë në 25 qershor.

Me atë tjetrin sja vlen të merremi se ai e ka garën me PDIU-në. Edhe pse këtë parti po mundohen që ta nxjerrin jashtë gare. (E.K/SHUPLAKA)