Kristi Xharau kandidat i LSI-së për deputet në Qarkun e Tiranës i ka kthyer përgjigje deputetit demokrat Gent Strazimiri në lidhje me deklaratën e tij që i kërkonte Prokurorisë të merrte Metën si të pandehur.
Ai i kujton Strazimirit kohën kur dilte me kobure, e tashmë që është bërë një rilindas mavi. Xharau vijon më tej duke thënë se Strazimiri ka shkuar dhe është ulur në prehrin e Arben Ndokës.
‘’Strazimiri në prehërin e Ben Ndokës…Pasi i humbi koburja e trimit, Gent Strazimiri u bë rilindas. Dhe çfarë rilindasi, fare mavi! Ndaj i trimëruar nga heroizmat e korridoreve të parlamentit, vajti dhe u ul në prehërin e Ben Ndokes. Tani është mirë!…’’, shkrehet kandidati i LSI-së.
Deklarata e Strazimirit erdhi në një kohë kur ish-kreu i LSI-së Meta ka pasur disa deklarata të forta që lidhin Rilindjen e Ramës me drogën.
‘’THIRRJE PROKURORISË SË REPUBLIKËS!!!Merrni në mbrojtje në cilësinë e “të penduarit”, bashkëpunëtorin e drejtësisë Ilir Meta.
Arrestoni personat ish-bashkëpunëtorë të tij, për të cilët dëshmon!!!
ÇLIRONI SHTETIN NGA KRIMI!’’, shkruante pak minuta më parë Strazimiri. (E.K/SHUPLAKA)
Discussion about this post