Jim Mattis: Po humbim Afganistanin, brenda pak javësh stratëgjia e re

Sekretari i Mbrojtjes i SHBA-së, Jim Mattis,ka deklaruar se SHBA po humb Afganistanin.

Ai ka thënë se SHBA nuk po fiton në Afganistan për momentin, por sipas tij brenda pak kohësh ai do të ofrojë një stratëgji të re.

‘Ne nuk jemi duke fituar në Afganistan për momentin, dhe do ta rregullojmë këtë sa më shpejt,” ka thënë Mattis para Komitetit të Shërbimit të Armatosur në Senatin Amerikan.

 Mattis u tha senatorëve se një strategji e riorganizuar është në fazën përfundimtare dhe se Kogresit do të njoftohet rreth saj nga mesi i muajit korrik.

Ky premtim i tij erdhi pas pyetjeve të mprehta nga kryetari  i Komitetit, senatori John McCain, i cili tha se frustrimi i tij ishte i qartë sepse janë bërë gati gjashtë muajt të administratës së re dhe se prapë nuk ka asnjë ndryshim nga politikat e presidentit Barack Obama.

“Është e vështirë për ne që t’ju përkrahim kur nuk keni strategji,” ka thënë McCain. 

Mattis më vonë e përshkroi fitoren në Afganistan me formimin e një qeverie qendrore që, me ndihmën ndërkombëtare, “do të jetë në gjendje të trajtojë dhunën”.(B.H/Shuplaka)