Izraeli ka vendosur t’i presë energjinë autoritetit palestinez në Gaza pas vendimit të tyre për të kufizuar pagesat për këtë shërbim. Vendimi mund të ketë pasoja fatale për kujdesin shëndetësor dhe mjedisin në enklavë.
Kabineti i Sigurisë së Izraelit ka vendosur njëzëri të hënën për të prerë furnizimin me energji elektrike.
Në muajin maj të këtij vitit, Autoriteti Palestinez njoftoi Izraelin se do të mbulonte vetëm 70 për qind të kostos mujore të energjisë elektrike të furnizuar nga Korporata Elektroenergjetike e Izraelit në Rripin e Gazës.
Rripi i Gazës është kontrolluar nga lëvizja islamike Hamas që nga konflikti i vitit 2007 me partinë Fatah, të udhëhequr nga Mahmoud Abbas, i bazuar në Bregun Perëndimor. Përpjekjet ndërkombëtare për të arritur pajtimin midis dy palëve kanë dështuar.
Tel Avivi zyrtar nuk bashkëpunon me Hamasin dhe e konsideron atë një grup terrorist.
Një zyrtar i Autoritetit Palestinez pranoi haptazi se ndërprerja e energjisë elektrike ka për qëllim rikthimin e Rripit të Gazës në kontroll.
“Ne rinisim thirrjen për lëvizjen e Hamasit dhe qeverinë de facto atje për të na dorëzuar të gjitha përgjegjësitë e institucioneve qeveritare në Gaza në mënyrë që qeveria të ofrojë shërbimet e saj më të mira për popullin tonë në Gaza”, citon Reuters zëdhënësin Tareq Rashmawi.
Vendimi mund të ketë pasoja fatale për gjendjen shëndetësore të Gazës.
(M.D/Shuplaka)
