Avokati i njohur Altin Goxhaj ka sulmuar sot deputetin e Partisë Demokratike Edmond Spaho, pas deklaratës së këtij të fundit për projektin e Bankës së Shtetit.
“Pa asnjë argument dhe pa parë projektin nxirren konkluzione”, reagoi sot Spaho. Mirëpo Goxhaj e cilëson reagimin e demokratit si një mbështetje të tij ndaj tenderit prej 30 milionë lekësh. Në një status në Facebook, Goxhaj e quan Spahon pjesë të listës SOROS të Bashës.
“Tani LIVE në AntiSoros TV, Kronika e Ditës: Skandali! Republika e Re i del në mbrojtje MegaVjedhjes prej 30 milionë Eurosh, sa 2-fishi i asajt të Veliajt! Veç për fasadën e ish-Hotel Dajtit nga Banka e Shtetit!!!
Edmond Soros Spaho i Listës Soros të Bashës i del në mbrojtje tenderit të çmëndur prej 30 milionë eurosh të fasadës së Bankës së Shtetit e cila është nën kontrollin e Soros! 30 Milionë Euro sa dyfishi i hajdutllikut të Veliajt në Sheshin Skënderbej, vetëm për të veshur me fasadë ish-Hotel Dajtin për ta bërë njësoj siç ishte!!! 30 MILIONË EURO!!!!!!!!!!!!!!
Një ndër përfaqësuesit kryesorë të Republikës së Re i del në mbrojtje kësaj MEGAVJEDHJE! Sepse ky është standardi i ri Qeverisjes së Republikës së Re Socialiste Demokratike të Sorosit!!!
13 Qershor 2017, ora 20:00, ish-Hotel Dajti, sot Banka e Shtetit.”, shkruan Goxhaj.
Në fakt, pas kritikave që mori për deklaratën, Spahoi reagoi përmes një statusi në Facebook, duke thënë se ky është thjesht qëndrimi i tij personal.
“Ne lidhje me qendrimin tim per rikonstruksionin e hotel Dajtit me duhet te sqaroj se nuk kam folur as si Nenkryetar i PD dhe as si Nenkryetar i Parlamentit. Ai eshte qendrimi im personal dhe i drejtohet anetarit te keshillit mbikqyres i cili keto probleme duhet ti ngreje ne keshillin mbikqyres para se te flase ne publik. Ju faleminderit!”, shkruan Spaho. (D.D/Shuplaka)
Discussion about this post