Veliaj i përgjigjet Berishës për “Sheshin Skënderbej”: Mos e do si kullat në Viçidol?

Kreu i Bashkisë së Tiranës, Veliaj i është përgjigjur akuzave dhe kritikave të ish-kryeministrit Berisha që ky i fundit bëri për sheshin “Skënderbej”.

Në ‘Opinion’, Veliaj tha se nuk pret vlerësime nga dikush që mbajti peng për vite të tëra Shqipërinë dhe Tiranën. Ai me ironi tha se për dy vite Basha e shndërroi Sheshin “Skënderbej” në panolino.

 “Ky është mendimi i një gjithologu, i cili shkatërroi Shqipërinë. Por meqë ky e ka djalin turist, të më gjejë një shesh më të mirë. Unë pash që vizioni i tij dhe i Lul Bashës që ishin të dy, prodhuan atë panolino si një kartodrom. Kjo e imja mund të mos ishte perfektja, por ata kishin 2 vjet dhe ne po ashtu.

Ai la peng Shqipërinë dhe Tiranë peng. Nuk pres që Berisha të më falënderojë, do ishte dita ime më e rëndë. Berisha bëri një perversitet kur publikoi një fotomontazh të një lodre-penisi në Poloni, me formë të një simboli falik. Mos e do që ta bëjmë si kullat në Viçidol”, tha Veliaj.

(M.D/Shuplaka)