Tjetër sasi droge është zbuluar në kufirin mes Greqisë dhe Shqipërisë. Bëhet fjalë për 569 kg kanabis dhe 4 litra vaj kanabisi, të cilat u sekuestruan nga anti droga e Janinës, në zonën e kufirit.
Policia greke thotë se droga ishte fshehur në një humnerë dhe ishte e paketuar në 302 pako. Ajo e kishte pikasur drogën prej ditësh dhe priste trafikantët.
Por ata vëzhgonin me dylbi nga kufiri shqiptar dhe nuk mundën që të arrestoheshin pasi ishin larguar.
Nuk është hera e parë që trafikantët arrijnë të largohen, ndërkohë që sasi të konsiderueshme droge mbesin pa “pronar”. (E.K/SHUPLAKA)
Discussion about this post