Cilët janë emrat e njohur të Kolegjit të Posaçëm, mes tyre ish-kryeprokurorja Ina Rama dhe sekretarja e Kuvendit, Albana Shtylla

Shtatë kandidatët fitues për anëtarë në Kolegjin e Posaçëm të Apelimit janë zgjedhur ditën e sotme përmes votimit në Komisionin Ad Hoc.

Mes tyre spikasin emrat e ish-kryeprokurores Ina Rama, Sekretares së Përgjithshme të Kuvendit, Albana Shtylla, anëtarit të KLD-së, Sokol Çomo. Kandidatët fitues janë: Sokol Çomo, Ina Rama, Ardian Hajdari, Natasha Mulaj, Albana Shtylla, Luan Daci, Rezarta Schutz. Janë zgjedhur edhe dy anëtarët zëvendësues, e para Mimoza Tasi dhe e dyta, Etleva Pepleka.

Këta janë anëtarët e Kolegjit të Posaçëm të Apelimit, përfshirë edhe ata zëvendësues, që u përzgjodhën nga votimi në Komisionin Ad Hoc sot për institucionet e vlerësimit. Ky votim u mbajt në Kryesinë e Kuvendit. Të pranishëm ishin edhe ambasadori i SHBA-ve, Donald Lu dhe ajo e BE-së, Romana Vlahutin.

(XH.A/SHUPLAKA)