“Nuk është turp të them që më vjen për të qarë”, kështu e nis shkrimin e tij Andi Lila. Dorëheqja e trajnerit Gani De Biazi duket se ka lënë pa fjalë lojtarët e Kombëtares Shqiptare.
Pavarësisht rezultateve të këtyre ndeshjeve të fundit tekniku Italian ka qenë një nga më të mirët nën drejtimin e Kombëtares Shqiptare.
Po ashtu një falenderim për De Biazin ka pasur dhe Ansi Agolli, ai shprehet se tashmë De Biazi është një prej nesh. Edhe Hysaj ka vlerësuar punën e De Biazit duke thënë se arriti ta shndërronte Shqipërinë në një ekip të madh.
ANSI AGOLLI:
Faleminderit Mister!
Në 6 vitet tuaja në drejtimin e Kombëtares, na mësuat shumë, na treguat qe forca e grupit mund të sjellë rezultate të pamenduara, e na bëtë të besojmë më shumë tek vetvetja. Bashkë arritëm të shkruajmë historinë e futbollit shqiptar, e emri juaj aty qëndron me shkronja kapitale.
Po e lini skuadrën në një nivel më të lartë seç e gjetët para 6 vjetësh, me pretendime për rezultate më të mira e për lojë me të bukur.
Për të gjitha këto, jam i bindur që shqiptarët do t’ju mirëpresin gjithmonë. Fundja, edhe ju jeni një prej nesh tashmë.
Mirupafshim ne rrethana të tjera, e uroj kurrë si kundërshtarë!
Ishte një nder.
ANDI LILA:
Mister, sapo e lexova sms-në dhe nuk më vjen turp të them që më vjen për të qarë. Nuk më kanë pëlqyer asnjëherë ndarjet!
Të falënderoj shumë për gjithçka që ke bërë për mua, më ke ndihmuar të rritem si njeri dhe si lojtar!
Realizuat ëndrrën më të madhe të fëmijërisë sime, të luaja në Europian dhe të nderoja vendin tim.
Do jesh gjithmonë në zemrën time,
Me shumë dashuri Andi Lila!
ELSEID HYSAJ:
Faleminderit mister De Biazi që ndryshove Shqipërinë nga një ekip të vogël në një ekip të madh! Faleminderit edhe për ata emocione të paharrueshme në Francë. (E.K/SHUPLAKA)
Discussion about this post