Kryetari i Lëvizjes Socialiste për Integrim sapo ka denoncuar një rast të paprecedentë dhune. Ai bën të ditur se një anëtar i kësaj force politike në Zharrëz është dhunuar nga “horrat e Partisë Socialiste”.
Vasili bën të ditur edhe emrin e dhunuesit, siç shprehet ai të autorit të veprës kriminale, i cili është Agim Grembi, ndërkohë që nuk ka informacione se kush është anëtari i dhunuar.
Kreu i LSI-së kërkon që Partia Socialiste të distancohet nga kriminelët, e të mbajë përgjegjësi të rëndë për këtë armiqësi të krijuar. Ai paralajmëron se përgjigja do të jetë shumë e ashpër.
“Goditet një anëtar i LSI-së në Zharrëz nga horra të PS-së. Autori i veprës kriminale Agim Grembi. Policia e droges nuk ka arrestuar kriminelin. Partia Socialiste të dënojë aktin, të distancohet nga kriminelët. PS Fier, përgjegjësi të rëndë për armiqësinë e krijuar. Përgjigja jonë do të jetë shumë e ashpër. Nuk do të falim asnjë që guxon të bëjë presion.”, është shprehur kreu i LSI-së, Petrit Vasili.
(XH.A/SHUPLAKA)
Discussion about this post