Lefter Koka: Gabimi jonë që i sollëm në pushtet Ramën dhe Dakon, PS dhe PD nuk kanë program

Kandidati kryesues i LSI Qarku Durrës, Lefter Koka, ka zhvilluar një takim me banorë të lagjes 18.

Koka ka sqaruar para banorëve pozicionin e LSI në 4 vite qeverisje me socialistët, duke u shprehur se: –“Ajo çka është kthyer sot në një komedi,  është pikërisht  qasja e Kryeministrit për ta quajtur këtë punë kaq të madhe të bërë nga njerëzit e LSI. Pabesia miqtë e mi, kudo quhet pabesi! Mosmirënjohja kudo e ka emrin mosmirënjohje! Partia Socialiste, pati vetëm 64 mandate në 2013, dhe sigurisht ,mund të ishte në opozitë dhe i vetmi gabim që ne bëmë,  është që i dhamë mundësinë PS dhe Kryeministrit Rama të drejtojë qeverinë për 4 vjet”. 

“Bëmë dhe të dytën në 2015, që zgjodhëm Vangjush Dakon kryetar të Bashkisë Durrësit”,vijoi Koka. 

Më tej, në fjalën e tij Koka tha: -“ Kam qenë në shumë lagje të Durrësit që,  nuk mund t’i quash periferi,  të cilat janë në skamje dhe shkatërrim total infrastrukutror. Por, paratë nuk kanë munguar, qeveria qendore dhe vendore kanë qenë në unison për të shpenzuar para,  por jo për të rregulluar situatën në qytetin e Durrësit”

Lefter Koka u ndal dhe në faktin se 2 partitë tradicionale sipas tij nuk kanë program konkret për 4-vjeçarin e ardhshëm.

(M.D/Shuplaka)