Kongresmeni nga radhët e republikanëve, Steve Scalise, është jashtë rrezikut për jetën. Lajmin e ka bërë të ditur presidenti I SHBA-së, Donald Trump.
Trump shkruan në Tëitter se Steve Scarlise është plagosur rëndë por do të shërohet.
“Republikani Steve Scalise i Luizianës, një mik i vërtet dhe një patriot, u plagos rëndë, por do të shërohet plotësisht. Mendimet dhe lutjet tona janë me atë”, ka shkruar Trump në Twitter.
Steve Scalise, u plagos rëndë gjatë një shkëmbimi zjarri që ndodhi sot në fushën e bejsbollit “Alexandria” pranë Uashingtonit.
Sot ndodhi një shkëmbim zjarri në një terren sportiv të frekuentuar nga deputetë të Kongresit, ku u shënuan disa të plagosur, përfshirë një drejtues të Partisë Republikane në Dhomën e Përfaqësuesve, sipas policisë dhe medias.(B.H/Shuplaka)
