Sot provimi i tretë i Maturës Shtetërore, zv/ministrja Malaj paralajmëron maturantët

Maturantët do i nënshtrohen ditën e sotme provimit të tretë të Maturës Shtetërore 2017. Në orën 10:00 të kësaj të premteje ata do të prezantohen me testin e lëndës së tretë me detyrim, atë të provimit të Matematikës.

Përpara testimit të rradhës, zv/ministrja e Arsimit, Nora Malaj, e cila është e ngarkuar me monitorimin e këtij procesi, kërkoi nga maturantët që të zbatojnë rregulloren dhe të lënë në shtëpi telefonat celularë të tyre.

“Të kenë kujdes që të mos pajisen me celularë. Ju bëj me dije edhe prindërve që edhe ata të jenë të kujdesshëm që fëmijët e tyre të realizojnë të plotë procesin e Maturës Shtetërore. Garantoj për standardin dhe cilësinë e provimit të Maturës Shtetërore. Janë vendosur valë bllokuese që nuk lejojnë akses të internetit dhe telefonit. Policia e Shtetit ka kontrolluar personat që punojnë aty. Godina ruhet gjatë 24 orëve.”, u shpreh Malaj, përcjell “OraNeës”.

Provimi i parë ishte ai i Gjuhës së Huaj që u mbajt më 5 qershor, i cili u ndoq nga ai i Gjuhës Shqipëe & Letërsisë më 10 qërshor.

(XH.A/SHUPLAKA)