Bashkia e Kamzës ka nisur ndërtimin e rrugës “Republika e Re” në këtë bashki. Kreu i bashkisë Xhelal Mziu ka inspektuar punimet dhe ka theksuar se vetëm për këtë vit bashkia po realizon 50 projekte në infrastrukturë.
Rruga “Republika e Re” ndodhet në lagjen Kamëz nr. 3 dhe ky segment rrugor është një arterie kryesore, e cila shërben për të lidhur një pjesë të rëndësishme të lagjes nr. 3 Kamëz me Valiasin, pasi lidh rrugën “Abdi Bej Toptani” me rrugën “Kongresi i Manastirit”.
Nuk është hera e parë që Xhelal Mziu i vendos emra të tilla rrugëve. Vetëm pak kohë më parë i vendosi një rruge emrin “Donald Trump”. (J.V/Shuplaka)
