Një tjetër sherr ka ndodhur për arsye politike, por tanimë në Dibër. Mësohet se ngjarja ka ndodhur një ditë më parë, ku në hyrje të fshatit Hotesh, një 46-vjeçar me inicialet A.Sh, i ka dëmtuar me gurë automjetin një 22-vjeçari.
Mësohet se pas kësaj, ai është larguar menjëherë nga vendngjarja. Mirëpo sipas të dëmtuarit me iniciale B.M, kjo ka ndodhur për motive politike.
Policia e Dibrës në bashkëpunim dhe me Prokurorinë e Rrethit Gjyqësor Dibër, kanë nisur punën për zbardhjen e detajeve të tjera të ngjarjes.
Kujtojmë se dy rastet e para të dhunës janë shënuar një ditë më parë, njëri në Kavajë dhe tjetri në Zharrëz të Fierit. (D.D/Shuplaka)
Discussion about this post