Lëvizja Socialiste për Integrim një ditë më parë mbajti një miting në Sheshin “Nënë Tereza”, ku mijëra qytetarë morën pjesë, pjesa më e madhe e moshës 20-24 vjeçare.
Sot LSI ka publikuar spotin e radhës për fushatën, ku jepen pamjet pikërisht nga ky takim. Në video shfaqet një pjesë e fjalimit të presidentit të Zgjedhur Ilir Meta, i cili shprehet se ndërsa palët kundërshtare promovojnë kriminelë, LSI promovon rininë.
“Ne nuk promovojmë deputetë me rekorde kriminale, kryetarë bashkish me rekorde kriminale. Ata i promovoi Rilindja. Ne promovojmë të rinjtë dhe të rejat, fëmijët e talentuar, atdhetarë të familjeve të thjeshta të Tiranës dhe gjithë Shqipërisë”, janë fjalët e Metës. (D.D/Shuplaka)
