Akademiku i njohur Artan Fuga, pasditen e sotme ishte i ftuar në emisionin “Kjo Javë” të gazetares Nisida Tufa, ka kometuar veshjet e tre politikanëve më të rëndësishëm, kryeministrit Edi Rama, kreut të opozitës Lulzim Basha dhe presidentit të ardhshëm Ilir Meta.
“Veshja e Bashës është veshja e punëtorit. Jep idenë e një njeriu që do të punojë, gjë e cila në fakt I shkon për shtat em idenë e tij të Republikës së Re.
Ndërsa Rama nga ana tjetër shfaqet më sportiv. Jep idenë e njeriut të thjeshtë, që e merr jetën me sportivitet. Pra, je i papunë s’është fundi i jetës, ke pension të vogël gëzoje jetën megjithatë.
Pra, nga njëra anë është ideja e atij që do të punojë, nga ana tjetër është që jeta duhet marrë me sportivitet. Mes tyre është Meta, që është më i thjeshtë se zoti Basha, por shumë larg nga zoti Rama.”, tha Fuga.
Kujtojmë se veshja e kryeministrit Rama, me bluzën e fushatës dhe me një xhaketë sportive sipër, si edhe me tuta, është komentuar mjaft në mjedisin mediatik dhe online, jo thjesht komentuar, por mbi të gjitha kritikuar. (D.D/Shuplaka)
