Kantina e verës së grabitur në pronësi të familjes së ministrit Lefter Koka, autorët me maska vodhën kasafortën dhe një makinë

Në orët e para të mëngjesit të sotëm është grabitur nga 3 persona me maska një kantinë vere në fshatin Rrashbull të Durrësit. 

Sipas policisë tre personat e maskuar fillimisht kanë lidhur rojen dhe më pas kanë grabitur kasafortën që ndodhej në ambinetet e kësaj kantine.  Po kështu ata janë larguar edhe me mjetin tip furgon “BENZ” që kanë grabitur nga kjo kantinë. 

Burimet të “Shuplakës” konfirmojnë se kjo kantinë i përket  familjes së Ministrit të Mjedisit, Lefter Kokës. Deri në tani nga ky i fundit nuk ka asnjë prononcim. 

DETAJE:

Më datë 19.06.2017, rreth orës 04:00,në Rrashbull, në Kantinën e Verës “Gjergj Kastrioti”, tre persona me maska, kanë hyrë në ambientet e Kantinës, kanë lidhur rojen dhe në një nga zyrat kanë marrë një kasafortë.

Më pas kanë marrë edhe mjetin e Kantinës, furgon tip benz me targa DR 3538 D dhe janë larguar. Me të marrë njoftim menjëherë në vendngjarje kanë shkuar Efektivet e Policisë, të cilët po punojnë për identifikimin dhe kapjen e autorëve. (J.V/Shuplaka)