Gjykata e Krimeve të Rënda ka dënuar me 35 vite burg Veli Dervishin, 74-vjeçarin që akuzohet për vrasjen e bashkëshortes së tij Shazivare (Merja) me sëpatë.
Ai u cilësua fajtor për vrasjen e bashkëshortes, akt që ai e pranoi duke treguar përpara trupit gjykues edhe arsyen përse e ka bërë diçka të tillë. Sipas tij, shkak i vrasjes ishte bërë një debat i ashpër mes tyre për qiranë e dhomave të plazhit. Veç kësaj, ai shprehej se e shoqja e kishte ofenduar me fjalët “këlysh ku*ve”.
“Ne rrinim në një dhomë të vogël, sepse dhomat e tjera i kishim dhënë me qira për plazhistët. Te një nga dhomat ishte një kosovar. Ai dhe pati pirë kafe te ne dhe bënte sikur e kishte njohur prej vitesh. Kur erdhi kosovari, ajo nuk ia quajti një ditë kur i mora lekët. U grindëm dhe i thashë. “Pse atij nuk ia more lekët, kurse të tjerëve të gjitha?! “E di vetë” – më tha dhe nuk la fjalë pa më thënë: “Plehrë! Legen! Edhe këlysh ku*ve më tha.”, shprehej Dervishi para trupit gjykues.
(XH.A/SHUPLAKA)
Discussion about this post