Analisti i njohur Dritan Hila, është shprehur mjaft ashpër për mënyrën se si zgjidhen gjërat në Shqipëri, vetëm e vetëm për pak pushtet.
Në këto ditë të fushatës, kur një intervistë e presidentit turk Rexhep Tayp Erdogan për një media shqiptare po pritet me mjaft interes, Hila kujton se si turqit kanë pushtuar Shqipërinë dhe se si shqiptarët janë sjellë ndaj pushtuesve.
“Besoj se tani kuptohet pse na pushtuan turqit, madje shumicen e herëve pa shpate. Se ne nuk kishim vetem Skenderbe por edhe ca te tjere qe per te ruajtur karrigen e vet shiten bythen tek turku. Dhe ketyre ju shkonin mbrapa ca shqiptare te tjere qe i mbushnin mendjen vetes se ishin shume te zgjuar dhe duke pire raki e bere politike te madhe, mendoni se ata bashke me komandantin e tyre po ja hidhnin turkut. Ne fakt vetem po shisnin fe, Krisht dhe atdhe bashke me bythen dhe te ardhmen qe turku t’iu jepte fermanin qe te qeverisnin. 500 vjet s’kemi ndryshuar fare.”, shkruan Hila.
Të jetë kjo një ironi për situatën, kur vetëm pak ditë përpara ditës së zgjedhjeve, presidenti i Turqisë, Rexhep Tayp Erdogan do të flasë në një intervistë për gazetarin Sokol Balla në “TOP STORY”.
Në këtë intervistë, të cilën Erdogan e ka dhënë por do të transmetohet nesër, ai pritet të flasë për raportet mes dy vendeve, për investimet turke në Shqipëri, organizatat që mbështeten nga Fejtullah Gylen, por edhe për raportet që ka ai me kryeministrin e Shqipërisë.
Vendi ynë është vetëm 5 ditë para zgjedhjeve parlamentare dhe mbetet për t’u parë nëse në nëntekstin e mesazheve që do të përcjellë Erdogan do të kuptohet mbështetja ose jo që ai mund t’i japë kryeministrit Edi Rama. (D.D/Shuplaka)
Discussion about this post