Lojtari i Real Madrid në gjyq, akuzohet për dëshmi të rreme

Prokuroria në Kroaci ka hapur një çështje kundër mesfushorit të Real Madridit, Luka Modric.

Ai do të hetohet nga prokuroria për dëshmi të rreme në rastin e ish-shefit të Dinamo Zagrebit, Zdravko Mamic.

Mamic është i pandehuri kryesor në këtë rast dhe së bashku me vëllanë e tij, Zoran, akuzohen për përvetësim të më shumë se 15 milionë eurove dhe evazion fiskal rreth 1.5 milionë euro.

Lojtari 31-vjeçar i Real Madridit është thirrur nga prokuroria si dëshmitar kryesor, dhe tani ai akuzhet për “kryerjen e veprës penale të dhënies së dëshmisë së rreme” më 13 qershor në një gjykatë në Kroaci.

(M.D/Shuplaka)