LSI kallëzon në Prokurori kryeministrin Rama, kërkon mbledhjen e Këshillit të Sigurisë: Çmojmë të domosdoshëm kontrollin mjekësor

LSI ka paditur në Prokurori kryeministrin Rama. Kjo për shkak të deklaratave të tij ku i bënte thirrje Policisë së Shtetit që të angazhohej në fushatë.

 Sipas LSI-së deklaratat e kryeministrit e tregojnë qartë se ai nuk gjendet në një situatë të qendrueshme mendore dhe se duhet të bëhet kontrolli i tij mjekësor.

Po ashtu LSI bën thirrje që Presidenti Nishani të mbledhë Këshillin e Lartë të Sigurisë në mënyrë që të analizohen veprimtaritë joligjore të kryeministrit Rama.

DEKLARATA: 

Edi Rama shkeli ligjin kur ftoi policine te marre vota per PS. Thirrjet e Ramës për policinë e shtetit përbëjnë ngjarjen më të rëndë të thyerjes së ligjit Thirrjet e Ramës thyejnë rëndë moralin te detyrës së një Kryeministri gjatë një fushatë elektorale në këto 25-vite. Kjo ngjarje dhe kjo veprimtari e Kryeministrit është në kundërshtim me Kushtetutën dhe gjithë ligjet.

Kryeministri i vendit me këtë thirrje ka shkelur të gjithë hierarkinë shtetërore të akteve ligjore. Shkeljet që nga Kushtetuta dhe deri tek VKM-ja më e fundit që ka miratuar qeveria e tij, si pjellë e marrëveshjes politike të datës 17-18 Maj 2017. Nëpërmjet këtij akti Rama ka shkelur ligjet që e ndalojnë Policinë e Shtetit të marrë pjesë në fushatën zgjedhore.

Rama me veprimet e tij të cilat tashmë nuk i bën më fshehtas, por hapur dhe publikisht, ka kryer shkelje të rënda rregullat në një proces zgjedhor. Thirrjet e Ramës tregojnë se ky shtetas ka konsumuar njëherazi elementë të veprave penale.

Nevojitet shqyrtim dhe hetim objektiv Çmojmë objektivisht fillimin e ndjekjes penale, dhe kryerjen e hetimeve të paanshme në lidhje mbi këtë cështje. Çmojmë të domosdoshëm kontrollin mjekësor të Kryeministrit, për të verifikuar nëse ai është i aftë mendërisht ose jo, që të kryejë detyrën e Kryeministri.

Këto deklarata tregohet qartë se nuk është në gjëndje të qëndrueshme mendore. Nëse një tronditje e tillë psikike, vjen si pasojë e panikut, prej fuqisë së rritjes së mbështetjes popullore për LSI, sërish nuk është aspak shkak për përjashtim nga përgjegjësia penale dhe politike.

Nisur nga deklarata e papërgjegjshme e Kryeministrit, e vlerëson të nevojshme që Presidenti i Republikës të thërrasë mbledhjen e Këshillit të Sigurisë Kombëtare. Mbledhja e Këshillit të Sigurisë Kombëtare për të analizuar veprimtarinë antiligjore të Kryeministrit të vendit. Shprehim gatishmërinë dhe vendosmërinë e saj për zbatimin e ligjit. (E.K/SHUPLAKA)