Ministria e Arsimit dhe Sportit ka kallëzuar në Prokurori pesë drejtorë shkollash dhe disa përgjegjës të Zyrave Arsimore në vend. Janë kallëzuar penalisht drejtori i shkollës së mesme të Gramshit, Drejtor i Drejtorisë Rajonale arsimore Lezhë, Drejtor Shkollës Iballë në Fushë Arrëz, Drejtor Shkollës Gorre, Drejtor i Shkolles Nepravishtë në Gjirokastër në Lushnje.
Gjithashtu, ministrja e Arsimit ka kërkuar të nisë procedimi penal naj përgjegjëses së Zyrës Arsimore në Kavajë, Sonila Peza dhe ndaj Përgjegjësve të Zyrave Arsimore në Has, Bulqizë, Lezhë, Kurbin, Gjirokastër, Gramsh, Fushë-Arrëz.
Ata akuzohen se kanë shpërdoruar detyrën duke marrë pjesë në fushata elektorale.
Deklarata e Ministrisë së Arsimit:
Ministria e Arsimit dhe Sportit, në zbatim të Vendimit të Këshillit të Ministrave nr. 473, datë 01.06.2017 “Për marrjen e masave dhe monitorimin e veprimtarisë, sjelljes apo përdorimit të burimeve njerëzore, financiare dhe logjistike të administratës shtetërore, gjatë procesit zgjedhor për zgjedhjet në Kuvendin e Shqipërisë për vitin 2017”, po vijon monitorimet në të gjithë vendin pranë drejtorive rajonale arsimore dhe zyrave arsimore si dhe në institucionet e tjera të varësisë.
Në zbatim të ndryshimeve të fundit të Kodit Penal dhe në masat e parashikua nga VKM nr. 473, nga ana e Ministrisë së Arsimit dhe Sportit, është kryer sot më datë 20.06.2017, përcjellja e informacioneve të verifikuara në terren pranë organit të Prokurorisë, për Përgjegjësen e Zyrës Arsimore, Kavajë, znj. Sonila Peza, mbi dyshimin e arsyeshëm të përfshirjes në fushatë zgjedhore.
Gjithashtu pranë Komisionit Disiplinor për verifikimin e shkeljeve ligjore po përcillen shkeljet e përsëritura dhe të bëra publike më parë, të cilat janë regjistruar dhe verifikuar për fillimin e procedimit disiplinor ndaj drejtuesve apo përfaqësuesve të institucioneve arsimore, si më poshtë vijon:
1.Përgjegjëses së Zyrës Arsimore Kavajë
2.Përgjegjëse e Zyrës Arsimore Bulqizë
3.Përgjegjës i Zyrës Arsimore Has
4.Drejtor i Drejtorisë Rajonale arsimore Lezhë
5.Përgjegjëse e Zyrës Arsimore Kurbin
6.Përgjegjës i Zyrës Arsimore Gramsh
7.Drejtor Shkollës Iballë, Fushë Arrëz
8.Drejtor Shkollës Gorre, Lushnje
9.Drejtor Shkolle, Nepravishtë, Gjirokastër
10.Drejtor i Shkollës së Mesme, Gramsh
Ministria e Arsimit dhe Sportit kërkon nga të gjithë punonjësit e administratës arsimore të vijojnë të kryejnë me përgjegjshmëri detyrat dhe veprimtaritë, në përputhje me legjislacionin në fuqi.
Vijon
(XH.A/SHUPLAKA)
Discussion about this post