Detaje të tjera kanë dalë nga vrasja e 44-vjeçarit shqiptar Agron Bashmeta një ditë më parë në Itali.
Sipas dëshmisë së dhënë në polici, Donatella Chiari e cila është autorja e kësaj ngjarje, ka rrëfyer lidhur me raportin që ata kishin. Sipas saj ata kishin një marrëdhënia miqësore e cila kurrë nuk kaloi një një lidhje të mirëfilltë sentimentale.
Sipas 44 – vjeçares, ata ishin thjeshtë miq, ndërsa bën të ditur se marrëdhëniet mes tyre kishin nisur krejt rastësisht. Ajo është shprehur në një zënkë ku ishte përfshirë edhe shqiptari. Bëhet e ditur se në atë kohë, Donatella punonte si agjente e policisë lokale në Chiari. BergamoNews bën të ditur se ajo ishte e divorcuar dhe kishte një vajzë dhe ndërkohë po bashkëjetonte me një person, ndërsa Bashmeta sipas ishte i martuar dhe kishte dy fëmijë.
Që nga koha që ishin njohur, ata kishin patur një marrëdhënie që vazhdonte, por jo sentimentale, një gjë të cilën shqiptari siç duket nuk mund ta pranonte.
Ai nisi ta kërcënonte, e telefononte gjatë gjithë kohës, çdo ditë. Ajo iu drejtua karabinierëve për ndihmë, për të disatën herë, megjithatë gruaja mësohet se nuk e kishte formatizuar denoncimin, shkruan BergamoNews.
Mëngjesin e djeshëm, Bashmeta shkoi jashtë punës ku punonte Donatella dhe i armatosur me thikë e kërcënoi dhe e sulmoi. Në përpjekje për të shpëtuar, ajo u fut në makinë, por ai nuk u dorëzua dhe u kap në pjesën e pasqyrës. E frikësuar gruaja i dha makinës mbrapa, duke e përplasur atë për vdekje. (M.D/Shuplaka)
