Gjatë ditës së sotme mediat kosovare shkruan rreth shkëputjes së Nisma-s nga koalicioni PAN me kandidat për kryeministër Ramush Haradinaj.
Kandidatja për deputete e NISMA-s për Kosovë, Valdete Bajrami, është shprehur se partia e tyre do të përfaqësohet si grup parlamentar i vetëm, megjithatë do të vazhdojnë të jenë pjesë e koalicionit PDK-AAK: “Nisma do vazhdojë të jetë pjesë e koalicionit dhe do të vazhdojë të përkrahë z.Haradinaj për Kryeministër të vendit”.
Ndërsa zëdhënësi i Aleancës për Ardhmërinë e Kosovës, Muharrem Nitaj, u shpreh se nuk ka asnjë lidhje nëse grupet parlamentare funskionojnë si të vetme në parlament, me largimin e ndonjë partie nga koalicioni PAN.
Ai u shpreh se nuk duhen bërë pazare sepse ka disa rregulla: “Pritni e mos u ngutni me bërë pazare, sepse ka disa rregulla në këtë shtet. Ata që e njohin këtë shtet, duhet t’i respektojnë këto rregulla jo sepse duan, por sepse nuk kanë zgjidhje tjetër.”
(XH.A/SHUPLAKA)
Discussion about this post