Diego Armando Maradona e ka quajtur idiot mbrojësin e Juventusit Dani Alvesh.
Reagimi i Maradonës ka ardhur pasi Dani Alvesh duke folur për krahasimin mes Mesit dhe Maradonës ka thënë se Maradona nuk është një model i mirë pasi ka shënuar një gol me dorë dhe ka eliminuar Anglinë në botërorin e vitit 1986, ku Argjentina u shpall kampion.
“Nuk do të ishta krenar të thosha se kam fituar një Kupë Bote me “Dorën e Zotit”. Nuk do të isha i aftë t’i thosha djalit tim se e kam fituar Kupën e Botës në këtë mënyrë. “Dora e Zotit” na ka mashtruar, ju duhet të mbani një qëndrim të fortë ndaj kësaj. Një sportist i tillë nuk mund të jetë shembull për të rinjtë”, ka thënë Alvesh.
Por e menjëhershme ka qenë përgjigjia e Maradonës, i cili e ka konsideruar mbrojtësin si një lojtar të dobët dhe idiot.
“Dani Alves është një idiot. Ai bën 28 pasime prej të cilave vetëm katër i ka të sakta. Si mbrojtës të djathtë, Cafu dhe Maicon kanë qenë të mirë. Dani Alves? Tepër i varfër! Ai flet sepse ai luan në një pozicion në fushë ku futbolli nuk luhet. Ka thënë Maradona për “Tyc Sports”. (B.H/Shuplaka)
Discussion about this post