Kandidatja për deputete e Partisë Socialiste, Elisa Spiropali, është shkëputur për për një moment nga politika dhe ka prezantuar vajzën e saj para publikut.
Ajo ka qenë e ftuar në emisionin e pasdites në TV Klan dhe ka treguar aspektin familjar të jetës së saj.
ish kryetarja e FRESSH ka folur për jetën e saj, ëndërrat dhe dëshirat përtej politikës.
Ajo tha se kishte pranuar me vështirësi ta sillte vajzën në studio sepse nuk i pëlqente.
“Naltën e kam sjellë vetëm për hatrin tënd, sepse nuk e ҫoj vajzën nëpër studio. Aja ka qejfin e saj, i pëlqen të luajë sipas mënyrës së saj, të jetë e lirë dhe pa kufizime”, tha Elisa.
Edhe pse është në kohë fushate edhe për pak ditë Elisa qëndron pranë së bijës sa më shumë që mundet.
Këtë mungesë në shtëpi, Elisa nuk e sheh aq problematike. Ajo mendon se fëmijët duhet të mësohen që të kenë prindër aktivë, të bëjnë punët që duan dhe të mos jenë gjatë gjithë kohës të ngjitur me fëmijët. E pyetur nëse anagzhimi politik e privon nga koha që duhet t’i kushtojë së bijës, Elisa tregon se “ҫdo punë kërkon sakrificë, por unë mendoj që fëmijët kanë nevojë që prindërit të jenë aktive. Është e provuar edhe shkencërisht, ata kanë duhe të pranojnë prindër që punojnë, që bëjnë jetën e tyre, punën që duan etj.”
(B.H/Shuplaka)
Discussion about this post