Kreu i opozitës Lulzim Basha ka zgjedhur në këtë fushatë që të mbajë të njëjtin stil të veshuri. Këmishë me krah të gjatë edhe pse pak vapë në këto ditë për të treguar seriozitetin e duhur ndaj qytetarëve.
Pantallona doku në ngjyrë bezhë dhe sigurisht këpucë të zeza. Ky është pak a shumë stili i veshjes së Bashës në gjithë këto ditë.
Po pavarësisht kësaj kryeministri Rama i veshur me tuta dhe atlete të shtrenjta duket se nuk i ka lënë mangët as kritikat për Bashën.
Ai e quajti veshjen e tij të ngjashme me llogaritarët në koperativë. “Meqë të gjithë po merren me tutat e mia, po merrem edhe unë pak me veshjen e Lulit. Luli është djalë i mirë, po me ato pandallona doku, më ngjan si llogaritar koperative. Edhe një stilolaps i mungon tek xhepi i sipërm i këmishës”, ka thënë kryeministri.
Po mesa duket aq e pëlqyer është kjo veshje pavarësisht kritikave të kryeministrit Rama sa liderin e PD-së e kopjoi dhe kryetari i Bashkisë së Tiranës. Erion Veliaj u shfaq “copy-paste” si Basha në fushatë në spotin më të fundit.
(E.K/SHUPLAKA)
Discussion about this post