Në Elbsan janë dëgjuar të shtëna me armë në një punishte dhe janë lënduar dy vëllezër. Deri më tani policia raporton se persona ende të paidentifikuar qëlluan mbi dy vëllezërit. Dy vëllezërit janë lënduar në momentin kur i janë shmangur plumbave.
DETAJE:
Dy vëllezër nga Elbasani i kanë shpëtuar një atentati me armë zjarri. Policia thotë se ngjarja ka ndodhur në orët e para të mëngjesit në afërsi të një punishteje e cila ndodhet në Lagjen “Shënkoll”.
Sapo kanë marrë njoftimin menjëherë shërbimet e policisë, janë nisur për në vendin e ngjarjes ku kanë konstatuar se brenda ndërtesës ndodheshin dy persona të dëmtuar lehtë.
Policia sqaron se: “Shtetasi G.B, 60 vjeç banues në Elbasan dhe shtetasi A.B, 49 vjeç banues në Elbasan, (vëllezër), të cilët janë dërguar për ndihmë mjekësore në spitalin Kirurgjik Elbasan dhe ndodhen jashtë rrezikut për jetën. Nga veprimet e para hetimore të kryera nga shërbimet e policisë rezultoi se persona të paidentifikuar dyshohet të kenë qëlluar me armë zjarri në drejtim të dy vëllezërve të cilët kanë qenë duke punuar në punishte”
Të dy shtetasit janë dëmtuar lehtë jo nga plumbat por gjatë tentativës për ti shpëtuar të shtënave me armë zjarri, duke u përplasur me sendet që ndodheshin brënda punishtes.
Grupi hetimor vijon hetimet për sqarimin e rrethanave dhe dokumentimin e plotë të ngjarjes. (J.V/Shuplaka)
Discussion about this post