Pas denoncimit të Halimit për sulmin ndaj FRPD në Urën Vajgurore, Policia jep detaje

Kandidati i PD per Beratin, deputeti demokrat Eduard Halimi ka denoncuar sot sulmin që i është bërë forumit rinor të PD në Urën Vajgurore.

Autori thotë Halimi është “punonjes i Bashkisë i veshur me pushtet” dhe sulmi ka ndodhur “gjatë kohës që shpërndanin planin e Lulzim Bashës”.

Në një njoftim paraprak Policia e Beratit ka reaguar duke theksuar se në Komisariatin e Policisë “Ura Vajgurore”,  janë paraqitur 4 shtetase dhe kanë bërë kallëzim për shtetasin A.K 28 vjeç, banues në Urë Vajgurore.

“Në bazë të kallëzimit dhe të pretendimeve të 4 shtetaseve,  dyshohet se shtetasi A.K u ka grisur fletëpalosjet të cilat kanë qënë duke i shpërndarë si dhe ka debatuar me njërën prej tyre konkretisht me shtetasen K.A, 22 vjeçe, banuese në Urë Vajgurore.

Menjëherë pas kallëzimit të marrë, shtetasi A.K,  është shoqëruar nga Policia  në ambjentet e Komisariatit të Policisë Ura Vajgurore.

Materialet për këtë ngjarje do t’i referohen Prokurorisë së Rrethit Gjyqësor Berat, në ngarkim të shtetasit A.K, për veprën penale “Kanosja apo dhunimi ndaj pjesmarrësve në zgjedhje”, parashikuar nga neni 329 i Kodit Penal”.

(M.D/Shuplaka)