Shpërthen poliomieliti tek fëmijët në Siri

Rreth 17 fëmijë janë paralizuar pas shpërthimit të poliomielitit në Siri, sipas Organizatës Botërore të Shëndetësisë.

Dy raste të sëmundjes u raportuan në Mayadin në Deir al-Zour në Sirinë lindore më parë këtë muaj. Që atëherë, 14 raste të reja janë konfirmuar në zonë me një rast tjetër të konfirmuar në Raqqa, një zonë e kontrolluar nga Shteti Islamik.

Zëdhënësi i OBSH-së, Tarik Jasareviç, tha se 17 fëmijët filluan të shfaqnin simptoma në fillim të 3 marsit, por testet vetëm kohët e fundit konfirmuan praninë e poliomielitit “të vaksinuar”, shkruan New York Times. 

Kjo, tha Jasareviç, tregon se ka pasur nën-imunizim në zonën Mayadin.

OBSH ka në plan  të vaksinojë 90,000 fëmijë nën pesë vjeç në zonë, së bashku me 320,000 fëmijë të tjerë në pjesë të tjera të Deir al-Zour.

(M.D/Shuplaka)