Edi Rama ka publikuar një video ku shfaqet një shqiptar i ardhur nga Amerika për të votuar enkas Partinë Socialiste në 25 qershor. Këtë e tregon edhe vetë shqiptari nëpërmjet një video-je.
“Sapo kam ardhur nga Amerika enkas për të votuar Partinë Socialiste. Më e rëndësishme është e ardhmja e shqiptarëve sesa bileta që më ka kushtuar mua. Më datën 25 votoni numrin “2”, Partinë Socialiste”, shprehet qytetari duke treguar edhe biletat e avionit dhe dokumentet amerikane në këtë video.
Por Rama sqaron se kjo video i ka mbërritur” WhatsApp” dhe nuk e njeh fare shqiptarin e ardhur nga Amerika. “Sapo më mbërriti në Whatsap, nuk e njoh dërguesin! Me mirënjohje të thellë për të u lutem të gjithëve ta ndjekin jo vetëm videon, po edhe rrugën e tij të dielën”, shprehet Rama.
Vërtet të jetë i panjohur për Ramën i riu?! Të ketë marrë rrugën nga Amerika vetëm për të votuar në 25 qershor PS-në?! Theksojmë që zgjedhjet janë vetëm pas tre ditëve.
(J.V/Shuplaka)
Discussion about this post