Dritan Dajti është një prej të prangosurve që nuk e ka emrin në listat e votimit, i cili akuzohet për vrasjen e 4-fishtë të ndodhur në Durrës në 2009-ën. Teksa na ndajnë shumë pak ditë nga zhvillimi i zgjedhjeve, ai i është drejtuar me një kërkesë gjykatës ku kërkon që emri i tij të përfshihet në listat e votimit.
Kjo kërkesë e Dajtit që aktualisht po rigjykohet në Apelin e Krimeve të Rënda, vjen dy ditë pas kërkesës të bërë nga ish-deputeti Mark Frroku.
Mësohet se kërkesat e tyre janë hedhur në short dhe gjatë ditëve në vijim pritet që t’i nënshtrohen gjykimit. Në total shtetasit që kërkojnë të futen në listat e zgjedhjeve nga institucionet e vuajtjes së dënimit janë deri tani rreth 70 persona. Ndërkaq, më 25 qershor pritet që të votojnë mbi 2.000 të paraburgosur, të cilët ende nuk janë dënuar me vendim të formës së prerë.
(XH.A/SHUPLAKA)
Discussion about this post