Kryetari i Partisë Demokratike, Lulzim Basha, zhvilloi një takim me banorët e Maliqit, ku u njoh me shqetësimet e tyre dhe u tregoi zgjidhjet që do të vijnë me planin e tij ekonomik.
Pensionistja e njohur si Nënë Polja 73 vjeçe tregoi se merr vetëm 70 mijë lekë në muaj dhe pavarësisht se mban vetëm një poç ndezur, ajo tregon se pensioni i del vetëm për drita, ujë dhe ilaçe ndërsa për t’u ushqyer merr borxh. Ndërsa i biri paguhet shumë më pak në një gomisteri ku punon.
Lulzim Basha i tha se me planin e tij, rritja e pensioneve do të nisë brenda vitit, dhe deri në fund të mandatit të parë, pensioni do jetë 250 mijë lekë.
Donika Vogli ishtë një tjetër qytetare që Basha takoi, rrobaqepëse e njohur në Maliq, por që ka mbetur pa punën me të cilën mbante familjen pasi shteti ia ka prishur dyqanin. “Pse? Që të punojë vetëm ajo tjetra aty. Ajo tjetra aty, është një socialiste e afërt me kreun e bashkisë dhe me pushtetin.”, thotë Donika. Kreu i PD-së i tha se me 25 qershor ndodh ndryshimi i madh, ku ligji do të jetë i pacënueshëm. “Do të jem në krahun tuaj”, i tha Basha, Donikës.
Lulzim Basha u tha banorëve të Maliqit se plani i tij do të ndezë motorrin e ekonomisë, do të sjellë rritje konsumi, rritje prodhimi, futjen e parasë në qarkullim. Një plan i kombinuar që sjell zhvillim, vende pune, dhe mbështetje për të pamundurit, për të rinjtë dhe pensionistët.
(XH.A/SHUPLAKA)
[ngg_images source=”galleries” container_ids=”2217″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post