Kryeministrja britanike Theresa May është shprehur se veshja e shumë blloqeve të banimit në Britani është e djegshme. Sipas saj, kjo është konfirmuar në sajë të testeve të zhvilluara pas zjarrit që shpërtheu në kullën Grenfell, incident që ngriti shqetësime për sigurinë e të tilla blloqeve të banimit.
79 persona mendohet të kenë vdekur ose janë shpallur të humbur nga zjarri që përfshiu kullën 24-katëshe.
“Të gjithë pronarët janë udhëzuar të kryejnë kontrolle sigurie mbi blloqet e banesave dhe të konfirmojnë se masat e duhura të sigurisë të jenë në vend. Qeveria ka organizuar testimin e veshjes në blloqe të rëndësishme banesash. Pak para se të vija këtu, jam informuar se një sërë testesh kanë rezultuar të djegshme. Autoritetet vendase dhe shërbimet zjarrfikëse janë informuar, dhe ata po marrin të gjitha hapat e duhura që ndërtesat të jenë të sigurta dhe banorët të jenë të informuar”, tha May përpara Dhomës së të Zgjedhurve në Parlamentin britanik.
(M.D/Shuplaka)
Discussion about this post