Ekzekutimi i 40-vjeçarit Fation Sinanit përpara syve të gruas në Vlorë tronditi jo pak qytetin bregdretar. Pista e parë e hetimit të policisë për vrasjen e tij ishte ajo e punës që ai kishte bërë në një parcel të kultivimit të kanabisit.
Ndërsa sipas asaj që shkruan “Tv Klan” burime nga grupi i hetimit kanë thënë se vrasja e tij mund të jetë bërë edhe për shkak se autorët kanë ngatërruar objektiv.
Në skedarët e policisë për Fatjon Sinanin nuk ka të regjistruar asnjë precedent penal, nuk ka qenë i dënuar apo i hetuar ndonjëherë.
Në Tropojë ku edhe ka lindur viktima ai dhe familja e tij nuk janë përshirë në ngjarje kriminale apo të kenë patur histori hakmarrje. Edhe në qytetin e Vlorës ku ka jetuar 5 vitet e fundit së bashku me bashkëshorten e tij nuk ka patur asnjë konflikt.
Ai punonte si punëtor krahu. Këto elemente i kanë bërë hetuesit të dyshojnë se objektivi i atentati te ketë qenë një tjetër preson. Hetuesit thonë se nga mënyra si ka ndodhur krimi vrasësi ka qenë me pagesë dhe profesionit.
Një nga plumbat e ka qëlluar në kokë viktimën ndërsa dy të tjerët në gjoks. Prokurorët dhe oficerët e policisë kanë marrë në pyetje personin e arrestuar për këtë ngjarje.
Neritan Qejvani nuk ka pranuar autorësinë e krimit dhe ka vendosur të mos bashkëpunojë me drejtësinë. 42-vjeçari është një person me precedent penale dhe ka qenë i dënuar në Greqi për trafik të lëndëve narkotike.
Qejvani, i cili është dhe përdorues i drogës pritet të dalë para gjykatës së Vlorës ditën e shtunë për tu njohur me masën e sigurisë.
(E.K/SHUPLAKA)
Discussion about this post