Në ditët e fundit të fushatës elektorale, kandidati i Partisë Socialiste Rakip Suli u ka ardhur në ndihmë banorëve të Rrugës “Princ Vidi”, në zonën e Treshit në kryeqytet.
Me kërkesë të tij, bashkia e Tiranës ka ndriçuar rrugën në fjalë e cila prej kohësh ishte e prishur. Por sa vendim korrekt është ky, mbetet për t’u diskutuar, pasi Suli i bie që po bën fushatë me paratë publike.
Nga ana tjetër, edhe në Mirditë është shënuar një rast i ngjashëm pasi bashkia ka nisur punimet për të rregulluar rrugën Rrëshen-Lurth. Aksi rural i këtij segmenti rrugor ishte bërë i pakalueshëm. Mirëpo Za’Lart shkruan se banorët e zonës ankohen se investimi është bërë pak ditë përpara zgjedhjeve, kjo për të marrë votat e tyre, pasi si gjithmonë më pas askush nuk ka ndërhyrë më për t’i çuar deri në fund investimet.
Këto janë dy raste flagrante, të përdorimit të parave publike në shërbim të fushatës elektorale, mirëpo të paktën ka disa qytetarë shqiptarë që përfitojnë nga kjo lloj taktike, por kjo sa për të qeshur është po aq edhe për të qarë sepse paratë publike s’mund të përdoren për fushatë. (D.D/Shuplaka)
[ngg_images source=”galleries” container_ids=”2233″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post